دنیا کی سب سے بڑی انسٹنٹ میسیجنگ ایپلی کیشن واٹس ایپ پر صارفین کی سیکیورٹی کو یقینی بنانے کے لیے ایک بہترین فیچر کی آزمائش شروع کردی گئی۔
تفصیلات کے مطابق واٹس ایپ نے ’ونس ویو‘ یعنی ایک بار دیکھنے کے لیے بھیجی جانے والی ویڈیوز، تصاویر اور آڈیو فائلز کے اسکرین شاٹ لینے اور ان کی ریکارڈنگ کو روکنے کے فیچر پر آزمائش شروع کردی۔
واٹس ایپ نے مذکورہ فیچر کی آزمائش پرمحدود صارفین کو رسائی دے دی ہے، جس کے مطابق اب کوئی بھی صارف موصول ہونے والی ’ونس ویو‘ یعنی ایک بار دیکھی جانے والی کسی بھی پوسٹ کا اسکرین شاٹ نہیں لے سکیں گے۔
مذکورہ فیچر کے تحت کوئی بھی صارف اب کسی بھی ’ونس ویو‘ تصویر، ویڈیو یا آڈیو فائل کا نہ تو اسکرین شاٹ لے سکیں گے اور نہ ہی اس کی ریکارڈنگ کر سکیں گے۔
اس فیچر کے تحت اگر کوئی شخص موصول ہونے والی ’ونس ویو‘ ویڈیو، آڈیو اور تصویر کا اسکرین شاٹ لینے کی کوشش کرے گا تو اسے اسکرین شاٹ کے بدلے ایک نوٹی فکیشن موصول ہوگا، جس میں اسے بتایا جائے گا کہ سیکیورٹی فیچرز کے تحت وہ اسکرین شاٹ نہیں لے سکتے۔
اسی طرح صارف کسی آڈیو کی ریکارڈنگ بھی نہیں کر سکے گا جب کہ اس فیچر کے تحت تیسری پارٹی یعنی دیگر بعض سافٹ ویئرز اور ایپلی کیشنز کے ذریعے بھی لوگ ’ونس ویو‘ کی ویڈیو، آڈیو اور تصویر کا اسکرین شاٹ نہیں لے سکیں گے۔
البتہ ممکنہ طور پر لوگ دوسرے موبائل کے ذریعے ’ونس ویو‘ کی فائل کی تصویر یا ریکارڈنگ کرنے کے قابل ہوں گے، تاہم اس حوالے سے بھی واضح طور پر کچھ نہیں کہا جاسکتا۔
ممکنہ طور پر واٹس ایپ مذکورہ فیچر کو مزید بہتر بنانے پر بھی کام کر رہا ہے اور مستقبل میں جب اسے متعارف کرایا جائے گا، اس وقت تک دوسرے موبائل کے ذریعے بھی ’ونس ویو‘ فائل کی تصویر بنانا یا کسی آڈیو فائل کی ریکارڈنگ کرنا ناممکن ہوگا۔
📝 WhatsApp beta for Android 2.22.22.3: what's new?
WhatsApp is releasing screenshot and screen recording blocking for view once images and videos to some beta testers!https://t.co/KJC3jRTlXf pic.twitter.com/9uxPzfTdc6
— WABetaInfo (@WABetaInfo) October 3, 2022
ابھی مذکورہ فیچر تک محدود صارفین کو رسائی دی گئی ہے اور اس پر آزمائشی کام جاری ہے اور اسے متعارف کرائے جانے میں کئی ماہ کا عرصہ بھی لگ سکتا ہے۔
