وزیر اطلاعات سندھ شرجیل انعام میمن نے عمران خان کے چیلنج کا جواب دیتے ہوئے کہا ہے کہ پیپلزپارٹی عمران خان کے چیلنج کودل کی گہرائیوں سےقبول کرتی ہے۔
انہوں نے کہا کہ پیپلزپارٹی اس بار پہلے سے زیادہ بھاری اکثریت کے ساتھ کامیابی حاصل کرے گی۔
انہوں نے کہا کہ عمران خان اور پی ٹی آئی کو سندھ کی عوام نے تاریخی شکست دی ، آئندہ بھی پی ٹی آئی کو عبرتناک شکست دیں گے۔
پیپلزپارٹی کی ترجمان شازیہ مری نے کہا کہ سندھ میں آصف زرداری کے جیالے نے ضمنی انتخابات میں عمران کو اوقات یاد دلائی، ملتان میں جیالے نے انہیں دھول چٹائی۔
انہوں نے کہا کہ نیازی صاحب بارش اور سیلاب کے متاثرین میں 14 ارب روپے تقسیم کرو پھر مارچ کرو۔
یاد رہے کہ گزشتہ روز ایوان وزیراعلیٰ پنجاب میں میڈیا سےگفتگو کرتے ہوئے چیئرمین پی ٹی آئی عمران خان نے کہا تھا کہ میں آصف زرداری کو چیلنج کرتا ہوں وہ مجھے اب سندھ میں جیت کر دکھا دے۔