ٹوئٹر کے سربراہ ایلون مسک نے اعلان کیا ہے کہ کمپنی ٹوئٹ کے نیچے ڈیوائس کے نام کی موجودگی کو ختم کرنے جارہی ہے۔

ٹوئٹر پر جاری اپنے بیان میں ایلون مسک کا کہنا تھا کہ ٹوئٹ کے نیچے آنے والے لیبل، جس سے واضح ہوتا ہے کہ آیا یہ ٹوئٹ آئی فون سے بھیجی گئی ہے یا اینڈرائیڈ فون سے کی گئی ہے، سے چھٹکارہ پا لیا جائے گا۔

انہوں نے کہا کہ کمپنی بالآخر یہ معاملہ ختم کرنے جارہی ہے کہ کس ڈیوائس پر یہ ٹوئٹ لکھا گیا تھا۔ کوئی بھی یہ تک نہیں جانتا کہ کمپنی نے ایسا کیا کیوں تھا۔

دوسری جانب نائن ٹو فائیو کے ایڈیٹر ان چیف نے ٹوئٹر پیغام میں لکھا کہ کمپنی نے 2012ء میں یہ فیچر ختم کردیا تھا لیکن 2018ء میں دوبارہ شامل کرلیا۔