نجی چینل کے شو میں پروفیسر باغی کے نام سے شہرت پانے والے عابد فاروق انتقال کر گئے۔
تفصیلات کے مطابق پروفیسر عابد فاروق کو چند روز قبل برین ہیمرج کے باعث ہسپتال داخل کرایا گیا تھا، لیکن انتہائی نگہداشت میں زیر علاج رہنے کے باوجود وہ جانبر نہ ہو سکے، اور آج ان کا انتقال ہو گیا۔
پروفیسر عابد فاروق پاکستان، متحدہ عرب امارات سمیت دیگر ممالک میں بھی بطور پروفیسر مختلف تعلیمی اداروں میں فرائض سر انجام دے چکے ہیں، انہیں اینکر آفتاب اقبال کے شو میں پروفیسر باغی کے کردار سے زیادہ جانا جاتا ہے۔
پروفیسر عابد فاروق کی نمازہ جنازہ آج 15 دسمبر کی سہ پہر 4 بجے لاہور کے جوہر ٹاؤن میں ادا کردی گئی ہے۔
