شمالی کوریا کے پانچ ڈرونز جنوبی کوریا کی سرزمین میں داخل ہونے کے سیول نے اپنی فضائیہ کو متحرک کردیا اور جوابی کارروائی کے طور پر اپنا جاسوس طیارہ سرحد پار شمالی سرزمین پر بھیج دیا۔ 

الجزیرہ کی رپورٹ کجے مطابق 2017ء کے بعد سے دونوں ممالک کے مابین اس نوعیت کا پہلا واقعہ پیش آیا ہے اور مذکورہ واقعے کے تناظر میں پڑوسیوں کے درمیان پہلے سے ہی تناؤ والے تعلقات میں اضافہ ہوگیا ہے۔

اس حوالے سے جنوبی کوریا کے ایک اہلکار نے ملک کی فضائی حدود کی خلاف ورزی کو اشتعال انگیزی کا واضح عمل قرار دیا۔ انہوں نے بتایا کہ اس کے جواب میں جنوبی کوریا نے اپنا جاسوس طیارہ سرحد پار شمالی کی سرزمین پر بھیج دیا ہے۔

جنوبی کوریا کے حکام نے بتایا کہ شمالی کوریا کے ڈرونز کا سب سے پہلے شمال مغربی شہر گیمپو میں مقامی وقت کے مطابق 10 بج کر 25 منٹ پر معلوم ہوا۔