الیکشن کمیشن آف پاکستان نے آئین اور الیکشن ایکٹ میں ترامیم کی تجاویز تیار کر لیں۔
آئین کے آرٹیکل 140 اور الیکشن ایکٹ 2019ء میں ترمیم کی تجاویز تیار کیں گئیں ہیں۔ مجوزہ ترمیم میں کہا گیا ہے کہ بلدیاتی قانون میں تبدیلی مدت ختم ہونے سے پہلے کی جائے، بلدیاتی اداروں کی مدت ختم ہونے کے بعد انتظامی حدود میں تبدیلی نہ کی جائے۔
مجوزہ ترمیم کے مطابق بلدیاتی نظام کی تبدیلی بھی بلدیاتی اداروں کی مدت ختم ہونے سے ایک سال پہلے ہونی چاہیے۔
ذرائع کا کہنا ہے کہ الیکشن کمیشن نے بلدیاتی اداروں کی مدت ختم ہونے سے پہلے قانون سازی کو آئین کا حصہ بنانے کی بھی تجویز تیار کی ہے۔
