اسرائیل نے کہا ہے کہ ایران پر حملے کے لیے تیاریوں کو مزید بہتر بنا لیا ہے۔

غیر ملکی خبر رساں ادارے کی رپورٹ کے مطابق اسرائیل کے سبکدوش ہونے والے وزیردفاع بینی گینز نے بیان میں کہا کہ ایران کی فوجی تنصیبات کو نشانہ بنانے کے لیے تیاریوں کو مزید بہتربنایا ہے۔

اسرائیلی وزیردفاع کا مزید کہنا تھا کہ کسی بھی اسرائیلی فضائیہ کو ایران پر حملے کا حکم دیا جا سکتا ہے۔ اسرائیلی فضائیہ کے پائلٹس دو یا تین سال میں ایران کی جوہری تنصیبات پرحملہ کرسکتے ہیں۔ اس کام کے لیے حالیہ برسوں میں تیاریاں بہتر کی ہیں۔

انہوں نے کہا کہ ایران کوجوہری بم کے حصول سے روکنے کے لیے کوئی بھی ضروری اقدام کریں گے۔

یاد رہے کہ 2015ء کے جوہری معاہدے کی بحالی کیلئے ایران کے امریکہ اور عالمی طاقتوں کیساتھ مذاکرات جاری ہیں، لیکن اسرائیل ان مذاکرات کا آغاز سے ہی مخالف ہے، اور تہران کو فوجی کاروائی کی دھمکیاں دی جا رہی ہیں۔