چین کے صدر شی جن پنگ نے ملک میں کورونا وائرس کی وبا پر قابو پانے کے اقدامات کا ذکر کرتے ہوئے کہا ہے کہ امید کی روشنی سامنے ہے۔
چینی خبررساں ادارے کے مطابق چین میں کورونا کے کیسز کی بڑھتی ہوئی تعداد کے پیش نظر دنیا بھر میں چینی مسافروں کی آمد پر لازمی ٹیسٹ کی پابندی عائد کی گئی ہے۔
صدر شی جن پنگ نے نئے سال کے موقع پر ٹیلی ویژن پر نشر کیے جانے والے خطاب میں کہا کہ کورونا وائرس وبا کی روک تھام نئے مرحلے میں داخل ہو رہی ہے، ہر کوئی پرعزم طریقے سے کام کر رہا ہے اور امید کی روشنی ہمارے سامنے ہے۔
وبائی صورتحال پر گزشتہ ہفتے کیے گئے تبصرے میں چین کے صدر نے کہا تھا کہ لوگوں کی زندگیوں کو مؤثر طریقے سے تحفظ فراہم کرنے کے لیے اقدامات کیے جا رہے ہیں۔
