وفاقی تحقیقاتی ایجنسی نے وزیراعلیٰ پنجاب اور مسلم لیگ ق کے رہنما پرویز الہیٰ کے اہل خانہ کیخلاف منی لانڈرنگ کیس میں بیٹوں کا نام ایگزیٹ کنٹرول لسٹ میں شامل کردیا۔

تفصیلات کے مطابق پرویز الہیٰ فیملی کے خلاف منی لانڈرنگ کے معاملے پر ایف ائی اے نے پرویز الہیٰ کے صاحبزادوں مونس الہیٰ اور راسخ الہی سمیت 9 افراد کے نام پیسنجر ایگزیکٹ لسٹ میں شامل کر دئیے۔

ڈائریکٹر ایف آئی اے لاہور کی جانب سے اس ضمن میں ایڈیشنل ڈائریکٹر جنرل امیگریشن کو خط ارسال کردیا گیا، جس میں کہا گیا ہے کہ مونس الہیٰ سمیت مذکورہ 9 افراد 30 دن تک ملک سے باہر نہیں جا سکتے۔

ایف آئی اے کی جانب سے بھیجی جانے والی فہرست میں سائرہ انور، ارم امین، تحریم الہیٰ، زہرہ الہیٰ، ارشد اقبال اور سنبل ریحان شامل ہیں جبکہ فہرست میں فرحان خان ،قیصر اقبال بھٹی کے نام بھی شامل ہیں۔