پاکستان مسلم لیگ ق کی جانب سے آج اہم اجلاس طلب کرلیا گیا ہے جس میں پارٹی کے آئندہ سیاسی مستقبل کے حوالے سے بھی اہم فیصلے متوقع ہیں۔
اس حوالے سے ذرائع کا کہنا ہے کہ سابق وزیراعلیٰ پنجاب چوہدری پرویز الٰہی اور انکے ساتھیوں کے آئنندہ سیاسی لائحہ عمل کے معاملے سمیت تحریک انصاف میں شمولیت یا الگ سیاسی شناخت بارے اہم فیصلوں کے لئے آج اہم اجلاس طلب کیا گیا ہے۔
اجلاس کی صدارت سابق وزیراعلیٰ پنجاب چوہدری پرویزالٰہی کریں گے جس میں پنجاب ،کے پی ،بلوچستان ،سندھ اور آزادکشمیر سے مسلم لیگ ق کے عہدیدار شریک ہوں گے۔
اس کے علاوہ اجلاس میں سابق ارکان اسمبلی ،ٹکٹ ہولڈرز اور سینیٹربھی شرکت کریں گے جس میں آئندہ سیاسی لائحہ عمل پر مشاورت کی جائے گی۔
