عوامی مسلم لیگ کے سربراہ شیخ رشید نے کہا ہے کہ 9 فروری کو آئی ایم ایف کی شرائط سب کو رُلا دے گی۔

تفصیلات کے مطابق مسلم لیگ ن کی سینئر نائب صدر مریم اورنگزیب کے چیئرمین پی ٹی آئی عمران خان کو رلانے کے بیان پر سابق وفاقی وزیر شیخ رشید احمد نے ٹوئٹ کیا ہے۔
شیخ رشید نے اپنے ٹوئٹ میں لکھا ہے کہ کوئی روئے گا یا روئے گی یہ بعد کی بات ہے آج ساری قوم رو رہی ہے۔

انہوں نے کہا کہ نو فروری کو آئی ایم ایف کی شرائط سب کو رُلا دے گی، ذبح خانے میں لے جائے گی اور سڑکوں پر ماتم کرائے گی۔
سابق وفاقی وزیر کا کہنا ہے کہ دیکھتے ہیں ڈالر پہلے 300 کا ہوتا ہے یا پیٹرول ہوتا ہے۔ اسحق ڈار کو آؤٹ سورس کرنا ہوگا۔

شیخ رشید نے مزید کہا کہ سو دن میں الیکشن ناگزیر ہیں صوبے اور مرکز میں اکھٹے ہوں گے ورنہ جو ڈوکراٹے ہوں گے۔