چوہدری شجاعت حسین کو مسلم لیگ ق کی صدارت سے ہٹانے کا فیصلہ کالعدم قرار دے دیا گیا ہے۔

تفصیلات کے مطابق چیف الیکشن کمشنر کی زیر صدارت تین رکنی کمیشن نے چوہدری شجاعت حسین کو پاکستان مسلم لیگ ق کی صدارت سے ہٹانے کے معاملے پر محفوظ فیصلہ سنادیا ہے۔

الیکشن کمیشن نے پاکستان مسلم لیگ ق کی سینٹرل ورکنگ پارٹی کے چوہدری شجاعت اور طارق بشیر چیمہ کو پارٹی عہدوں سے ہٹانے کے فیصلوں کو کالعدم قرار دیدیا ہے۔

الیکشن کمیشن نے چوہدری شجاعت حسین کو پاکستان مسلم لیگ قائداعظم کی صدارت پر بحال کردیا ہے جبکہ طارق بشیر چیمہ کو پارٹی کے سیکریٹری جنرل کے عہدے پر بحال کردیا ہے۔

خیال رہے کہ چوہدری شجاعت حسین نے پارٹی صدارت سے ہٹانے کا سینٹرل ورکنگ کمیٹی کا فیصلہ الیکشن کمیشن میں چیلنج کیا تھا جس پر الیکشن کمیشن نے دلائل مکمل ہونے پر 18 اگست کو فیصلہ محفوظ کیا تھا ۔