برطانوی وزیراعظم بورس جانسن کے نمائندہ خصوصی سائمن گاس نے افغانستان کے نائب وزیراعظم ملا برادر اور وزیر خارجہ امیر خان متقی سے وفود کی سطح پر الگ الگ ملاقاتیں کیں۔ افغانستان کی وزارت کارجہ کے ترجمان عبدالقہار نے بتایا کہ ملاقات میں دونوں ممالک کے درمیان سفارتی تعلقات کی بحالی اور دیگر امور پر تبادلہ خیال کیا گیا ہے۔ انہوں نے کہا کہ ملاقات میں بورس جانسن کے نمائندہ خصوصی کا کہنا تھا کہ برطانوی وزیراعظم افغانستان کے ساتھ تعلقات کو بہتر اور مضبوط بنانے کے خواہشمند ہیں۔ افغان میڈیا کے مطابق برطانوی وزیراعظم بورس جانسن کے نمائندہ خصوصی سائمن گاس کی امارت اسلامی کے نائب وزیراعظم ملا برادر کے ساتھ ملاقات میں دوطرفہ تعلقات اور باہمی تعاون پر بات چیت کی گئی۔
ملاقاتوں پر برطانوی دفتر خارجہ کا ردعمل
برطانوی دفتر خارجہ کی جانب سے جاری کی گئی تفصیلات کے مطابق بورس جانسن کے نمائندہ خصوصی سائمن گاس نے ملا عبدالغنی برادر، امیر خان متقی اورعبدالسلام حنفی سمیت دیگرطالبان رہنماؤں سے ملاقاتیں کیں۔برطانیہ کے ترجمان دفتر خارجہ کے مطابق یہ ملاقاتیں انسانی بحران اورافغانستان کو عسکریت پسندوں کیلئے پناہ گاہ بننے سے روکنے کے طریقوں پر تبادلہ خیال کیلئے کی گئیں۔ ملاقاتوں میں افغانستان کو انسانی بحران سے نمٹنے کیلئے برطانوی مدد، ملک کو دہشت گردوں کیلئے پناہ گاہ بننے سے روکنے اور ملک چھوڑنے کے خواہشمند افراد کو مسلسل محفوظ راستے کی ضرورت پر بات چیت کی گئی۔ ترجمان دفتر خارجہ اک مزید کہنا تھا کہ سائمن گاس نے افغانستان میں اقلیتوں کے ساتھ سلوک اور خواتین کے حقوق کی پاسداری کا معاملہ بھی اٹھایا۔
It is in everyone’s interests that Afghanistan’s humanitarian crisis does not deepen & the country does not again become a safe-haven for international terrorism.
Read our latest update on the situation in Afghanistan 👇
— Foreign, Commonwealth & Development Office (@FCDOGovUK) October 5, 2021
