بالی ووڈ اداکار سیف علی خان اور کرینہ کپور کے بیٹے کا نام پوچھے جانے پر شوکاز نوٹس جاری کردیا گیا۔
تفصیلات کے مطابق ریاست مدھیا پردیش کے ضلع کھنڈوا کے اکیڈمک ہائٹس پبلک اسکول میں بچوں سے امتحان میں کرینہ اور سیف کے بیٹے کے نام پوچھا گیا۔
اسکول کے اس عجیب و غریب اقدام پر اسکول کی پیرنٹ باڈی (اسکول کے والدین کی تنظیم) نے ریاستی محکمہ تعلیم سے اکیڈمک ہائٹس پبلک اسکول کے خلاف کلاس 6 کے سوالیہ پرچے میں ایسا سوال پوچھنے پر سخت کارروائی کرنے کا مطالبہ کیا ہے۔
واضح رہے کہ چھٹی کلاس کے امتحانی پرچے کےجنرل نالج کے سیکشن میں 5 سوالات پوچھے گئے ہیں جن میں سے ایک سوال ہے کرینہ کپور اور سیف علی خان کے بیٹے کا پورا نام لکھیں؟
A private school in Khandwa asked the name of film actor Kareena Kapoor Khan and Saif Ali Khan’s son in the examination paper of class 6th. The DEO said a show cause notice will be issued to the school @ndtv @ndtvindia @GargiRawat @manishndtv pic.twitter.com/YkERwGYeMB
— Anurag Dwary (@Anurag_Dwary) December 24, 2021
ضلعی پیرنٹس ایسوسی ایشن کے صدر انیش جھرجھارے نے اس معاملے پر فکرمندی کا اظہار کرتے ہوئے کہا ہے کہ اسکول انتظامیہ طالبعلموں سے ایسا غیر سنجیدہ سوال کس طرح کرسکتی ہے؟ طلبا سے تاریخی شخصیات کے بارے میں پوچھنے کے بجائے انہوں نے بالی ووڈ اداکاروں کے بیٹے کا پورا نام پوچھا۔
واضح رہے کہ سیف علی خان اور کرینہ کپور کے دو بیٹے ہیں۔ بڑے بیٹے کا نام تیمور علی خان ہے جو اپنی پیدائش سے ہی مقبول ترین اسٹار کڈ ہے۔ جب کہ ان کے دوسرے بیٹے کا نام جہانگیر علی خان ہے جسے پیار سے جےکہا جاتا ہے۔ سیف اور کرینہ کے دونوں بیٹے اپنے ناموں کی وجہ سے بھی خبروں میں رہتے ہیں۔
