سی آئی اے نےامریکہ کیلئے چین کو 21 ویں صدی کا سب سے بڑا جغرافیائی و سیاسی خطرہ قرار دیا ہے۔

اس خطرے سے نمٹنے کیلئےامریکی خفیہ ایجنسی سی آئی اے نے ایران اور شمالی کوریا کے خصوصی مشن سینٹرز بند کر کے چین سے متعلق معاملات دیکھنے کیلئے اعلیٰ سطح کا خصوصی چائنا مشن سینٹر قائم کر دیا ہےجس کا مقصدچین کی جانب سے درپیش عالمی چیلنجز اور چینی اثر و رسوخ کا مقابلہ کرنا ہے۔

سی آئی اے کےڈائریکٹر ولیم برنس کا کہنا ہے کہ اس نئے مشن سے ہمیں اکیسویں صدی میں چینی حکومت کی بڑھتی ہوئی مخالفت سے پیدا ہونے والے جغرافیائی سیاست کے اہم اور بڑے خطرات پر کام کرتے ہوئے خود کو مضبوط کرنے میں مدد ملے گی۔ مزید ان کا کہنا تھا کہ یہ مشن ہر ہفتے ڈائریکٹرز کی سطح پر میٹنگز کا انعقاد کیا کرے گا اور چین کی سرگرمیوں پر نظر رکھنے کے ساتھ متعلقہ اداروں کو سفارشات بھی پیش کیا کرے گا۔