ڈاکٹر یاسمین راشد کے بیٹے کا امریکہ پہنچنے کے بعد کورونا ٹیسٹ مثبت آیا تھا، جس کے بعد ڈاکٹر یاسمین راشد نے بھی اپنا ٹیسٹ کرایا جو مثبت آ گیا ہے۔
ڈاکٹر یاسمین کے ترجمان کے مطابق کورونا کی تشخیص کے بعد ڈاکٹر یاسمین راشد نے خود کو گھر میں قرنطینہ کرلیا ہے، اور وہ گھر سے ہی اپنے سرکاری امور سرانجام دیں گی۔
ترجمان کا مزید کہنا تھا کہ یاسمین راشد آج ڈینگی کی روک تھام سے متعلق اجلاس میں شریک تھیں، جس میں چیف سیکرٹری بھی موجود تھے، اس لئےاجلاس میں شریک تمام افراد کو بھی کورونا ٹیسٹ کرانے کا کہا گیا ہے۔
