عدالت کے حکم پر بانی پی ٹی آئی عمران خان کی اہلیہ بشریٰ بی بی کا نجی اسپتال میں طبی معائنہ کیا جا رہا ہے۔
ذرائع کے مطابق بشریٰ بی بی کے ہمراہ ذاتی معالج ڈاکٹر عاصم اور سرکاری ڈاکٹروں کی ٹیم بھی نجی اسپتال میں موجود ہے، بشریٰ بی بی کے وکلا کی ٹیم بھی اسپتال میں موجود ہے۔
ذرائع کا بتانا ہے کہ بشریٰ بی بی کا معدے اور خون کا ٹیسٹ لیا جا رہا ہے اور بانی پی ٹی آئی کی اہلیہ کی انڈو اسکوپی بھی کی جا رہی ہے۔
ذرائع کا کہنا ہے کہ انڈو اسکوپی کے علاوہ ڈاکٹر کی ہدایات پر بشریٰ بی بی کے دیگر ٹیسٹ بھی ہوں گے۔
یاد رہے کہ گزشتہ روز احتساب عدالت نے بشریٰ بی بی کی درخواست منظور کرتے ہوئے دو روز میں نجی اسپتال سے ان کے ٹیسٹ کروانے کا حکم دیا تھا۔
