روڈ ٹو مکہ منصوبے کے سلسلے سعودی وزارت داخلہ اور امیگریشن کا وفد آج پاکستان پہنچے گا۔

تفصیلات کے مطابق سعودی وزارت داخلہ اور ایمیگریشن کا وفد آج پاکستان کادورہ کرے گا،ذرائع نے بتایا کہ 83رکنی سعودی ایمیگریشن کا عملہ کراچی ایئرپورٹ پر انتظامات کاجائزہ لے گا۔

سول ایوی ایشن اتھارٹی کیجانب 8سعودی امیگریشن کاؤنٹرزقائم کئےگئےہیں ، کاؤنٹرز پرسعودی ایمیگریشن کےسسٹم بھی نصب کئےجائیں گے۔

اسلام آباد ایئرپورٹ پر38رکنی سعودی امیگریشن کاعملہ تعینات ہوگا، سعودی وفد میں ٹیکنیشن اورانجینئرزبھی شامل ہیں ، روٹ ٹومکہ منصوبےکےتحت اسلام آبادسے71پروازیں آپریٹ ہوں گے۔

وزارت مذہبی امور نے بتایا کہ کراچی ایئرپورٹ کو روٹ ٹو مکہ منصوبے میں شامل کیا گیا ہے، پہلی حج پرواز 9مئی کو روٹ ٹو مکہ منصوبے کے تحت کراچی سے روانہ ہوگی۔

وزارت مذہبی امور کا کہنا تھا کہ 16ہزار سے زائد عازمین کاکراچی ایئرپورٹ پرسعودی امیگریشن کا عمل مکمل ہوگا۔