عاصم رضا کی ڈائریکشن میں بنائی گئی فلم نے بھارت میں بھی کامیابی کے جھنڈے گاڑ دئیے ہیں، پرے ہٹ لو 2019ء میں ریلیز ہوئی تھی۔
بین الاقوامی فلم فیسٹیول ساؤتھ ایشیا فورم فار آرٹ اینڈ کری ایٹو ہیری ٹیج کے تیسرے ایڈیشن کا انعقاد 18 دسمبر سے 23 دسمبر 2021ء تک بھارتی ریاست اتر پردیش میں کیا گیا جس میں بہترین کارکرگی پر متعدد فلموں کو ایوارڈز دئیے گئے۔ رومانوی کامیڈی فلم پرے ہٹ لو بھارت میں بہترین تفریحی فلم کا ایوارڈ جیتنے میں کامیاب ہو گئی ہے۔
فلم کے ہدایت کار نے انسٹاگرام پر پوسٹ میں خوشی کا اظہار اور فلم کی کاسٹ کو مبارکباد پیش کرتے ہوئے کہا کہ میں بہت خوش قسمت ہوں جو اس پراجیکٹ کا حصہ بنا، اس فلم کی کاسٹ دنیا کی بہترین کاسٹ ہے۔
View this post on Instagram
یاد رہے کہ اس فلم میں مایا علی خان، زارا نور عباس، شہریار منور اور احمد علی بٹ بھی شامل تھے، جبکہ اس کی موسیقی اذان سمیع خان نے دی تھی۔
