ویرات کوہلی کی زیرقیادت رائل چیلنجر بنگلور کو اس سال بھی آئی پی ایل میں ناکامی کا سامنا کرنا پڑا، اور پلے آف میں کولکتہ نائٹ رائیڈرز کے خلاف شکست کے بعد بنگلور کی ٹیم ٹورنامنٹ سے باہر ہو گئی۔
میچ میں بری کارکردگی دکھانے والے آسٹریلین آل راؤنڈرز گلین میکسویل اور ڈینیئل کرسچن کو” رائل چیلنجر بنگلور” کی شکست پر برہم شائقین نے بدترین تنقید اور تضحیک کا نشانہ بنایا۔ یہاں تک کہ جبکہ کچھ بھارتی شائقین نے کرکٹرز کے ساتھ ساتھ ان کے اہلخانہ تک کو بھی نہ بخشا اور ان کی بھی کردار کشی کی۔
بدترین کردارکشی کے پر آسٹریلین آل راؤنڈرز گلین میکسویل نے آپے سے باہر شائقین کو آڑے ہاتھوں لیتے ہوئے کہا کہ یہ بکواس انتہائی مایوس کن اور ناقابل برداشت ہے،ہم بھی انسان ہیں اور روزانہ اپنی بہترین کارکردگی دکھانے کی کوشش کرتے ہیں۔
— Glenn Maxwell (@Gmaxi_32) October 11, 2021
بھارتی شائقین ڈینیئل کرسچن کے ساتھ ان کی حاملہ بیوی کو بھی تضحیک کا نشانہ بناتے رہے، جس پر ڈینیئل کرسچن کا کہنا تھا کہ میں اچھا نہیں کھیل رہا، لیکن یہ ایک کھیل ہے، میری بیوی کو اس معاملے سے باہر رکھیں۔
Daniel Christian and his partner subjected to online abuse after RCB’s elimination from IPL 2021. #cricket #IPL2021 #RCB https://t.co/iMYz7zM4tN
— CricketTimes.com (@CricketTimesHQ) October 12, 2021
یاد رہے کہ ماضی میں بھارتی شائقین خراب کارکردگی پر ویرات کوہلی اور ان کی اہلیہ انوشکا شرما کی بھی کردارکشی کرتے رہے تھے۔
