وزیر اطلاعات فواد چوہدری کا کہنا ہے کہ وزیراعظم نے کہا کہ وہ اور جنرل باجوہ ہر معاملہ بیٹھ کر طے کرتے ہیں۔

وزیراعظم کی سربراہی میں پاکستان تحریک انصاف کی پارلیمانی پارٹی  کا اجلاس منعقد ہوا جس کے بعد میڈیا سے گفتگو کرتے ہوئے  ان کا کہنا تھا کہ ڈی جی آئی ایس آئی کی تقرری جلد کر دی جائے گی۔

وزیر اطلاعات فواد چوہدری نے کہا پاکستان کی تاریخ میں سول ملٹری تعلقات اتنے اچھے کبھی نہیں رہے جتنے آج ہیں اور اس کا سہرا آرمی چیف جنرل قمر جاوید باجوہ کو بھی جاتا ہے۔ ڈی جی آئی ایس آئی کی تعیناتی کے تمام معاملات طے پاچکے ہیں اور فیصلہ اعتماد کی فضا میں ہوگا۔  اس حوالے سے مزید ان کا کہنا تھا کہ فوج اور حکومت ایک پیج پر ہے۔

وفاقی وزیر اطلاعات نے کہا کہ اجلاس میں اگلا معاملہ مہنگائی کا تھا، وزیراعظم نے مہنگائی کے معاملے سے نمٹنے کیلئے ایک نئی معاشی پالیسی تیار کی ہے،اس مہینےہم تین بڑے پروگرام شروع کرنے جارہے ہیں، جس میں صحت کارڈ، کسان کارڈ اور احساس کارڈ شامل ہیں، صحت کارڈ کی اب پنجاب کی باری ہے، شناختی کارڈ کی بنیاد پر پنجاب میں ہر خاندان کو ساڑھے 7 لاکھ روپے تک میڈیکل انشورنس دی جائے گی۔