بھارتی وزیر داخلہ امیت شاہ نے گووا کے علاقےدھربندورا میں ایک یونیورسٹی کی افتتاحی تقریب سے خطاب کرتے ہوئے کہا کہ ایک وقت تھا جب بھارت کی سرحد حملوں کی زد میں ہوتی تھی تو مذاکرات کئے جاتے تھے لیکن اب نئی دہلی دہشت گردوں کے حملوں کا منہ توڑ جواب دے گا۔ان کا کہنا تھا کہ 2016ء میں وزیراعظم نریندر مودی اور سابق وزیر دفاع منوہر پاریکر کی قیادت میں سرحد پر دہشت گردی کا سرجیکل سٹرائیک کی صورت میں جواب دیناایک اہم قدم تھا، ہم نے پیغام بھیجا تھا کہ کوئی بھارت کی سرحد پر گڑ بڑ نہیں کرسکتا، مذاکرات کیلئے ایک وقت تھا لیکن اب بدلے کا وقت ہے۔ مزید ان کا کہنا تھا کہ ہماری سرجیکل سٹرائیکس نے یہ ثابت کر دیا کہ ہم اب مزید برداشت نہیں کریں گے، بلکہ مزید سرجیکل سٹرائیکس کی جائیں گی۔
#WATCH | “Another important step was surgical strike under PM Modi & former Defence Minister Manohar Parrikar. We sent out a message that one should not disrupt India’s borders…There was a time when talks happened, but now is the time to reciprocate,” says Home Min Amit Shah pic.twitter.com/BrMFUfzLRT
— ANI (@ANI) October 14, 2021
بھارتی وزیر داخلہ کی گیدڑ بھبکیوں پرپاکستان کے ترجمان دفتر خارجہ عاصم افتخار کا کہنا تھا کہ بھارتی وزیر داخلہ کے پاکستان میں نام نہاد سرجیکل اسٹرائیکس کے بیانات غیرذمہ دارانہ اور اشتعال انگیز ہیں، جسکی شدید مذمت کرتے ہیں۔بھارتی حکومت کے جھوٹے بیانات بی جے پی آر ایس ایس کی خطے میں کشیدگی کو مزید ہوا دینے کی کوشش ہے، پاکستان مسلسل عالمی برادری کی توجہ بھارت کے جھوٹے فلیگ آپریشنز کی طرف دلاتا رہا ہے، امن پسند ملک ہیں، کسی بھی قسم کی جارحیت کا بھرپور جواب دیں گے۔ بھارت کوئی بھی قدم اٹھانے سے پہلے 2019ء کا انجام یاد رکھے۔
