مقبول ڈرامے پری زاد کے مرکزی کردار کے زیراستعمال رہنے والے پر تعیش فارم ہاؤس کو 60 کروڑ روپے کے عوض فروخت کیلئے پیش کر دیا گیا ہے۔
پری زاد ڈرامےمیں دکھایا گیا عالیشان بنگلہ اسلام آباد کے علاقے گلبرگ گرین میں موجود ہے، جہاں اس طرز کے دیگر فارم ہاؤسز بھی ہیں، کیونکہ گلبرگ گرینز کا یہ سیکٹر فارم ہاؤسز کیلئے مختص ہے۔ یہ عالیشان بنگلہ 6 ہزار مربع گز کے رقبے میں بنا ہوا ہے، گھر کی تعمیر 38000 مربع فٹ پر ہوئی ہے، جبکہ باقی ایریا درختوں، پودوں سمیت دیگر پلانٹیشن کیلئے چھوڑا گیا ہے۔ اس بنگلے میں مجموعی طور پر 14 لگژری بیڈ رومز سمیت دیگر تمام سہولیات موجود ہیں۔
گھر کے تہہ خانے میں پارکنگ، چار ملازمین کے کوارٹر، تین لاؤنچ، دو صاف کچن، دو جزوی خراب کچن، ڈرائنگ روم، 6 اٹیج باتھ بیڈرومز کے علاوہ خاتون ملازمہ کیلئے علیحدہ کمرہ بھی موجود ہے۔ گھر کے گراؤنڈ فلور پر چار کار پارکنگ، چار بیڈرومز،میگا ڈرائنگ روم، ڈائننگ ہال، بوفے کچن، خراب کچن، دو لاؤنچ، گارڈ روم، سٹنگ ایریا اور ایک بہت بڑا دفتر بھی موجود ہے، علاوہ ازیں پہلی منزل پر بھی چار بیڈ رومز، لاؤنچ اور ڈائننگ ہال، کچن، سٹنگ ایریا، دفتر اور ایک اسٹور روم موجود ہے۔
مذکورہ بنگلہ مکمل ایئرکنڈیشنڈ ہے، لیکن گھر کے کچھ حصوں میں اے سی سسٹم نصب نہیں ہے، اس لیے گھر کی فوری قیمت 57 کروڑ 50 لاکھ روپے بھی ہو سکتی ہے، اس کے مالک عثمان ظفر چیمہ ہیں جو کہ بیرون ملک مقیم ہیں اور وہ گھر کو موجودہ حالت میں 57 کروڑ 50 لاکھ روپے کی قیمت پر فروخت کر سکتے ہیں۔
یاد رہے کہ پری زاد ڈرامے میں یہ بنگلہ پری زاد کے دولت مند بن جانے سے قبل ان کے مالک نعمان اعجاز کی ملکیت ہوتا ہے۔
