سعودی وزیر خارجہ شہزادہ فیصل بن فرحان نے ایران کے ساتھ جاری حالیہ بات چیت کو سنجیدہ اور دوستانہ قرار دیا ہے۔
وزیر خارجہ فیصل بن فرحان السعود نے فنانشل ٹائمز کو دئیے گئے انٹرویو میں کہا ہے کہ ایران کے ساتھ اب تک ہونے والی بات چیت خوشگوار رہی ہے اوراس کی نوعیت بڑی حد تک ایک دوسرے کو سمجھنے کی کوشش ہے۔
انہوں نے کہا کہ ہم بات چیت کے سلسلے میں سنجیدہ ہیں، یہ ہمارے لئے کوئی بڑی تبدیلی نہیں کیوں کہ ہم ہمیشہ سے یہ کہتے رہے ہیں کہ ہم خطے میں استحکام کو یقینی بنانے کیلئے راستہ تلاش کرنا چاہتے ہیں ایران نے سعودی ولی عہد کے بیان کا خیرمقدم کیا۔
یاد رہے گذشتہ ہفتے بھی سعودی وزیر خارجہ نے ایران کے ساتھ مذاکرات درست سمت میں آگے جانے کا بیان دیا تھا جبکہ میڈیا کے ساتھ انٹرویو میں ان کا کہنا تھا کہ ایران کے جوہری پروگرام کو روکنے کیلئے عالمی طاقتوں کی حمایت کریں گے۔
