نوواک جوکووچ آسٹریلین اوپن سے باہر ہو گئے، عدالت نے ویزہ منسوخی کے خلاف سربین ٹینس سٹار کی اپیل مسترد کر دی۔

دنیا کے نمبر 1 ٹینس اسٹار نوواک جوکووچ نے آسٹریلین اوپن ٹائٹل کا دفاع کرنے کا موقع گنوا دیا، آسٹریلوی عدالت نے بھی  حکومت کی جانب سے ٹینس اسٹار کی ملک بدری کے حکم کو برقرار رکھا۔

تین رکنی ججوں پر مشتمل وفاقی عدالت نے آج ہونے والی سماعت میں غیر ویکسین شدہ سرب نژاد ٹیس اسٹار نوواک جوکوچ کے ویزے کو کینسل کرنے کے حکومتی فیصلے کو برقرار رکھا۔ آسٹریلوی حکومت کا کہنا تھا کہ 34 سالہ کھلاڑی نے عوام کی صحت کو خطرے سے دوچار  کیا۔ عدالتی فیصلے کے بعد جوکووچ میلبورن میں ہونے والے اپنے آسٹریلین اوپن ٹائٹل کا دفاع کر نے کے اہل نہیں رہے۔ جس کا پہلا میچ انہپں کل کھیلنا تھا۔

اگر جوکووچ  آسٹریلین اوپن کھیلتے تو  21  فتوحات کا نیا عالمی ریکارڈ بنا پاتے، 20 گرینڈ سلم کے ساتھ وہ رافیل نڈال اور راجر فیڈرر کے ہم پلہ ہیں، نڈال اور فیڈرر سے آگے نکلنے کے لیے جوکووچ کو ایک اور ٹورنامنٹ جیتنا ہے۔