قومی کبڈی چیمپئن شپ میں پاکستان ایئر فورس اور واپڈا کو مشترکہ چیمپئن قرار دے دیا گیا۔

کبڈی فیڈریشن کے مطابق پاکستان ایئرفورس اور واپڈا کا فائنل 46-46 پوائنٹ سے برابر رہا۔فیڈریشن نے فیصلہ کیا کہ پاکستان ایئرفورس اور واپڈا کی ٹیمیں 6-6 ماہ ٹرافی رکھیں گی۔

یاد رہے کہ وزیر اعظم کامیاب جوان سپورٹس ڈرائیو پروگرام کے تحت کھیلی جا رہی بیالیسویں قومی کبڈی چیمپئن شپ میں پاکستان ایئر فورس اور پاکستان واپڈا کی ٹیمیں فائنل میں پہنچی تھی۔ فائنل آج کھیلا گیا۔ پہلے سیمی فائنل میں دفاعی چیمپئن ایئرفورس نے پنجاب پولیس کو سینتیس کے مقابلے میں اکیاون دوسرے میں پاکستان واپڈانے آرمی کے خلاف زبردست میچ کے بعد 37کے مقابلہ میں 45پوائنٹس سے کامیابی حاصل کی۔