کوئٹہ سریاب روڈ پر بلوچستان یونیورسٹی کے قریب دھماکہ ہواہے جس میں ایک شخص جاں بحق جبکہ 13 پولیس اہلکاروں سمیت 16 افراد زخمی ہو گئے ہیں۔
پولیس کا کہنا ہے کہ دھماکہ خیز مواد موٹر سائیکل میں نصب کیا گیا تھا اوردھماکے کے ذریعے پولیس کی گاڑی کو نشانہ بنایا گیا، جسے شدید نقصان پہنچا۔
واقعے میں زخمی ہونے والوں کو کوئٹہ سول اسپتال منتقل کیا جا رہا ہے، دھماکے کے بعد کوئٹہ کے سول ہسپتال کے ایم ایس ڈاکٹر جاوید اختر کا کہنا ہے کہ سول اسپتال کوئٹہ کے اسٹاف کو کسی بھی ایمرجنسی صورتحال کیلئے الرٹ کر دیا گیا ہے۔
سیکیورٹی فورسز نے علاقے کو گھیرے میں لے کر تحقیقات شروع کر دی ہیں۔
وفاقی وزیر داخلہ شیخ رشید نے واقعے کی مذمت کرتے ہوئے شہید پولیس اہلکار کے لواحقین سے ہمدردی کا اظہار کیا ہے، ان کا کہنا تھا کہ آئی جی پولیس بلوچستان سے واقعے کی رپورٹ طلب کر لی ہے، وفاقی اور صوبائی حکومت ہر قسم کی معاونت فراہم کرے گی۔
سریاب روڑ کوئٹہ دھماکے کی مذمت
آئی جی پولیس بلوچستان سے دھماکے کی رپورٹ طلب
دھماکے میں شہید پولیس اہلکار کے لواحقین سے اظہار ہمدردی؛ زخمیوں کی جلد صحتیابی کے لئے دعا
دہشت گردوں کو بلوچستان کا امن تباہ نہیں کر دینگے۔
وفاقی حکومت صوبائی حکومت کو تمام وسائل اور معاونت فراہم کرے گی۔— Sheikh Rashid Ahmed (@ShkhRasheed) October 18, 2021
