پی ایس ایل کے ساتویں ایڈیشن کے پہلے میچ میں کراچی کنگز نے ملتان سلطانز کو جیت کیلئے 125 رنز کا ہدف دیا ہے۔
کراچی کے نیشنل اسٹیڈیم میں کھیلے جا رہے پی ایس ایل 7 کے افتتاحی میچ میں محمد رضوان نے ٹاس جیت کر کراچی کنگز کو بیٹنگ کی دعوت دی۔ ابتداء میں بابر اعظم اور شرجیل خان نے ذمے دارانہ کھیل پیش کرتے ہوئے پراعتماد انداز میں اننگز کا آغاز کیا۔
ملتان سلطانز کو پہلی کامیابی اس وقت ملی جب ٹیم کے مجموعی سکور 66 پر شرجیل خان 31 گیندوں پر 3 چھکوں اور تین چوکوں کی مدد سے 43 رنز کی اننگز کھیلنے کے بعد عامر طاہر کے ہاتھوں آؤٹ ہو گئے۔ بعد ازاں خوشدل شاہ کو چھکا مارنے کی کوشش میں بابر بھی 29 گیندوں پر 23 رنز بنا کر پویلین لوٹ گئے۔
محمد نبی اور کلارک نے تیسری وکٹ کی شراکت میں 32 رنز کا اضافہ کیا تاہم عمران طاہر نے 10 رنز بنانے والے محمد نبی کو 103 کے اسکور پر آؤٹ کردیا۔
کراچی کنگز مقررہ اوورز میں 5 وکٹوں کے نقصان پر 124رنز بنا سکی، عمران طاہر نے شاندار باؤلنگ کا مظاہرہ کرتے ہوئے 16 رنز دے کر 3 وکٹیں حاصل کیں۔
Defending champions are looking to start their campaign with a win. Let’s see how the home team defends their total. #HBLPSL7 l #KKvMS I #LevelHai pic.twitter.com/eQgtx15YR6
— PakistanSuperLeague (@thePSLt20) January 27, 2022
