شمالی وزیرستان کے علاقے اسپن وام میں دہشت گردوں کی سکیورٹی فورسز کی چوکی پر فائرنگ سے پاک فوج کا ایک جوان شہید ہوگیا۔
آئی ایس پی آر کے مطابق شمالی وزیرستان کے علاقے اسپن وام میں دہشت گردوں نے سکیورٹی فورسز کی چوکی پر حملہ کیا جس کاسکیورٹی اہلکاروں نے بھرپور اور مؤثر جواب دیا۔
دہشت گردوں کے ساتھ فائرنگ کے تبادلے میں25 سالہ سپاہی سیف اللہ شہید ہوگیا، سیف اللہ کا تعلق خیبر پختونخوا کے شہر کرک سے ہے۔
انٹر سروسز پبلک ریلیشنز (آئی ایس پی آر) کا کہنا ہے کہ علاقے میں دہشت گردوں کی موجودگی کے خاتمے تک کلیئرنس آپریشن جاری ہے۔