پاکستان کی معروف فلم اداکارہ صائمہ نور نے مداح کے پوچھنے پر اپنی اصل عمر بتا کے سب کو حیران کر دیا۔
چند روز قبل صائمہ نور نے مداحوں کے ساتھ انسٹا گرام پر سوال و جواب کا سیشن رکھا، جس میں انہوں نے اپنے مداحوں کے ہر موضوع پر سوالوں کے جواب دئیے۔ اسی دوران ایک صارف نے صائمہ نور سے ان کی اصل عمر کے متعلق پوچھا تو پہلے انہوں نے مذاقاً کہا کہ میری عمر 12 سال ہے۔ پھر انہوں نے پوسٹ کرتے ہوئے بتایا کہ میری عمر 54 سال ہے، اور ساتھ ہی ایک شعر پوسٹ کیا کہ
اے ساقی تیرے مے خانے میں کیا رکھا ہے
او بھائی عمر چھپانے میں کیا رکھا ہے؟؟
View this post on Instagram
یادرہے کہ صائمہ نور نے 1990ء میں پاکستان کی فلم انڈسٹری لالی وڈ میں قدم رکھا تھا اور بہت جلد وہ پنجابی فلموں کی صف اول کی اداکارہ بن گئی تھیں۔اداکارہ صائمہ نور نے ڈائریکٹر سید نور سے 2005ء میں شادی کی تھی، اور انہوں نے 2007ء میں ایک پریس کانفرنس میں اپنی شادی کا باقاعدہ طور پر اعلان کیا تھا۔
