وزیراعظم کے مشیر برائے احتساب شہزاد اکبر کا کہنا تھا کہ شہباز شریف اگراپنے اپ کو انٹر نیشنل صادق اور امین کہتے ہیں تو عدالت میں ثبوت لے کر آئیں اور بریت کی درخواست دائر کریں لیکن شہباز شریف اور مریم نواز کیسز کو طول دے رہے ہیں۔
تفصیلات کے مطابق شہزاد اکبر لاہور میں پریس کانفرنس کرتے ہوئے کہنا تھا کہ شہباز شریف کا لاہورکی احتساب عدالت میں کیس تھا لیکن وہ بہانہ بنا کر اسلام آباد چلے گئے، لیکن وہ عدالت میں پیش ہو کر اپنے ثبوت نہیں دیتے وہ صرف شوبازیاں کرتے ہیں۔
شہزاد اکبر کامزید کہنا تھا کہ شہبازشریف نے مجھےعدالتوں میں گھسیٹنے کا اعلان کیا تھا، وہ مجھے عدالت لے کر کیوں نہیں جاتے۔انہون نے مزید بتایا کہ نئے آرڈینینس کے بعد کیس کا فیصلہ 6 ماہ میں ہونالازم ہے۔ان کے تمام کیس کا فیصلہ پی ٹی آئی کی حکومت میں ہو جائے گا۔
انہوں نے بتایا کہ سیاست میں آنے کے بعد شہباز شریف کے اثاثے تیزی سے بڑھے ہیں ، 1990 میں ان کے اثاثے 21 لاکھ تھے جب کہ 2003 سے 2009 تک شہباز فیملی کے اثاثوں میں 66 کروڑ کا اضافہ ہوا۔
واضح رہے 25 ارب روپے کی منی لانڈرنگ کے مقدمے میں شہباز شریف اور حمزہ شہباز کو 30 اکتوبر تک ضمانت ملی ہوئی ہے