معروف گلوکار و اداکار عاطف اسلم نے لاہور کی ایک یونیورسٹی کے طالبعلم کی سالگرہ کو یادگار بنا دیا۔
سوشل میڈیا پر شیئر کی گئی ایک ویڈیو تیزی سے وائرل ہو رہی ہے جس میں عاطف اسلم کو فٹ پاتھ پر بیٹھ کر گٹار بجاتے اور گانا گاتے ہوئے دیکھا جا سکتا ہے۔
سوشل میڈیا صارف شاہ زیب عباسی نے ویڈیو پوسٹ کرتے ہوئے کہا کہ وہ اپنے دوست کی سالگرہ کے بعد لمز یونیورسٹی واپس آئے تو وہاں یونیورسٹی کے پیومنٹ میں عاطف اسلم کو بیٹھے دیکھا۔ شاہ زیب کا کہنا تھا کہ ہم سب دوستوں نے عاطف اسلم کے پاس جا کر انہیں بتایا کہ آج ان کے دوست کی سالگرہ ہے، اور ان سے درخواست کی کہ ان کیلئے کوئی گانا گنگنا دیں۔
سوشل میڈیا صارف نے مزید بتایا کہ عاطف اسلم نے برتھ ڈے بوائے سے عمر پوچھی اور ان کیلئے ‘یہ میری کہانی’ گانا بھی گایا۔
While coming back to LUMS after a friend’s bd we saw Atif Aslam sitting on a pavement so we asked him if he can wish our friend happy bd nd he says to him how old are u and what’s ur score.. Next thing a guy comes in w a guitar nd he starts jamming.. we were right next to him aa https://t.co/4wuz50PK0B pic.twitter.com/rignu2HLtM
— Shahzaib Abbasi (@abbasi_shahzaib) January 28, 2022
ویڈیو میں دیکھا جا سکتا ہے کہ عاطف اسلم کے گرد یونیورسٹی طلبا و طالبات کا ایک ہجوم جمع ہے، جو ان کے گانے سے لطف اندوز ہو رہے ہیں۔
سوشل میڈیا پر یہ ویڈیو بہت وائرل ہو رہی ہے، اور مداح عاطف اسلم کی تعریف کر رہے ہیں۔
