قومی کرکٹر اور پی ایس ایل میں پشاور زلمی کی نمائندگی کرنے والے شعیب ملک کا کہنا ہے کہ سفید بالوں والے لوگ بھی انہیں انکل کہتے ہیں۔
یکم فروری کو 40 برس کے ہونے والے شعیب ملک سے پاکستان سپر لیگ کی پریزینٹر ایرین ہالینڈ نے ان کی فٹنس کا راز پوچھا جس پر شعیب نے جواب دیا کہ 40 سال کی عمر کے بعد لوگوں میں تبدیلی آجاتی ہے۔
انہوں نے بتایا کہ وہ جب بھی کہیں باہر نکلتے ہیں اور لوگوں سے ملاقات کرتے ہیں تو سفید بالوں والے لوگ بھی انہیں انکل پکارتے ہیں لیکن میں بطور ایتھلیٹ اس عمر کو انجوائے کررہا ہوں۔
Happy Birthday, @realshoaibmalik 🎉
Malik Saab talks about his birthday, but still doesn’t give away his skincare routine 🤨#HBLPSL7 I #LevelHai l #PZvLQ pic.twitter.com/HpsExmoS98— PakistanSuperLeague (@thePSLt20) February 2, 2022
شعیب ملک نے کہا کہ اگر میرے پاس ابھی تک کھیلنے کے مواقع ہیں تو اس کا کریڈٹ ان تمام سپورٹ کرنے والے لوگوں کو جاتا ہے جن کی وجہ سے میں اب بھی گراؤنڈ میں موجود ہوں۔
سینئر کرکٹر نے یہ بھی کہا کہ کرکٹ اب بھی مجھ میں باقی ہے۔
