پاکستان کی متنازع ٹک ٹاک اسٹار اور اداکارہ حریم شاہ نے لندن میں ایم کیو ایم کے بانی الطاف حسین سے ملاقات کی جس کی ویڈیو منظرِ عام پر آگئی ہے۔
ٹک ٹاک اسٹار حریم شاہ نےگزشتہ روز لندن میں کنگسٹن اپون تھیمز کراؤن کورٹ کے باہر بانی ایم کیو ایم الطاف حسین سے ملاقات کی۔
حریم شاہ نے کہا کہ جب مجھے یہ معلوم ہوا کہ الطاف حسین اپنی سماعت کے لیے عدالت کے اندر ہیں تو میں اپنے دوست کے ہمراہ عدالت کے اندر چلی گئی، مجھے بہت اچھا لگا کیونکہ مجھے بغیر کسی پریشانی کے اندر جانے کی اجازت دی گئی، میں برطانیہ کے قواعد و ضوابط کی تعریف کرتی ہوں۔
Hareem Shah thanks Altaf Hussain @AltafHussain_90 for greeting her nicely, showing respect and praying for her pic.twitter.com/SJTYRobK3j
— Murtaza Ali Shah (@MurtazaViews) February 2, 2022
ٹک ٹاک اسٹار نے یہ بھی بتایا کہ اُنہیں یہ جان کر حیرانگی ہوئی کہ الطاف حسین کو پہلے سے ہی معلوم تھا کہ حریم شاہ کون ہے۔
حریم شاہ نے مزید کہا کہ ’میں نہیں جانتی کہ وہ وفاقی تحقیقاتی ایجنسی (ایف آئی اے) کے ساتھ میرے کیس کے بارے میں جانتے ہیں یا نہیں لیکن اُنہوں نے میرے لیے دعا کی اور مجھے واقعی اس کے بارے میں اچھا لگا۔
