انڈر 19 کرکٹ ورلڈکپ میں پاکستان نے سری لنکا کو 238 رنز کے بڑے مارجن سے شکست دے کر پانچویں پوزیشن حاصل کرلی۔
کپتان قاسم اکرم انڈر 19 کرکٹ ورلڈکپ میں 5 وکٹیں اور سنچری اسکور کرنے والے دنیا کے پہلے کھلاڑی بن گئے۔
نارتھ ساؤنڈ میں کھیلے گئے میچ میں پاکستان نے پہلی بیٹنگ کرتے ہوئے 3 وکٹوں پر 365رنز بنائے، حسیب اللہ خان نے 136 اور کپتان قاسم اکرم نے 135رنز کی ناقابل شکست اننگز کھیلی۔
قاسم اکرم 63 گیندوں پر سنچری مکمل کرکے پاکستان کی جانب سے انڈر 19 ورلڈکپ میں تیز ترین سنچری بنانے والے بیٹر بنے۔
First player to make a hundred and claim a five-wicket haul in an #U19CWC match 🔥#SLvPAK pic.twitter.com/GP5KovBvVe
— Cricket World Cup (@cricketworldcup) February 3, 2022
366 رنز کے ہدف کے تعاقب میں سری لنکن انڈر 19 ٹیم کی بیٹنگ لائن ریت کی دیوار ثابت ہوئی اور پوری ٹیم صرف 127 رنز پر ڈھیر ہوگئی۔
