بھارتی کرکٹ ٹیم کے سابق کپتان مہندرا سنگھ دھونی نے اداکاری کے میدان میں قدم رکھ دیا ہے۔

تفصیلات کے مطابق مہندار سنگھ دھونی نے اپنی سائنس فکشن فلم کا ٹیزر فیس بک پر شیئر کیا ہے، جس میں ناول اتھاروا پر ان کے کردار کی جھلک دکھائی گئی ہے۔

میڈیا رپورٹس کے مطابق اس ناول کی کہانی رمیش تھمل مانی نے لکھی ہے جب کہ اس پر بنائی گئی اینی میٹڈ گرافیکل سیریز کو اشوک  منور اور ادیکلراج پروڈیوس کریں گے۔ دھونی نے بتایا ہے کہ جلد ہی سائنس فکشن ناول کی اس ویڈیو سیریز کو مداحوں کیلئے پیش کیا جائے گا۔

علاوہ ازیں مہندر سنگھ دھونی جاسوس اینی میٹڈ ویب سیریزکیپٹن 7 میں بھی دکھائی دیں گے، جس کا پہلا سیزن 2022ء میں ریلیز کئے جانے کا امکان ہے۔

اداکاری کے میدان میں قدم رکھنے پر دھونی کے مداح بہت خوش دکھائی دیتے ہیں، اور مداحوں نے ان کے فیس بک پر شیئر کئے گئے ڈیبیو کی بہت تعریف کی ہے۔