پاکستان سپر لیگ (پی ایس ایل) سیزن سیون میں سنسنی خیز مقابلوں کا سلسلہ جاری ہے، ایونٹ میں دفاعی چیمپئن ملتان سلطانز نے مسلسل پانچویں کامیابی حاصل کرلی ہے۔

پی ایس ایل 7 کے پہلے مرحلے میں آج کراچی کنگز اور لاہور قلندرز کے درمیان میچ کھیلا  جائے گا۔

کراچی کے نیشنل اسٹیڈیم میں پاکستان سپر کیگ (پی ایس ایل) سیزن 7 کے پہلے مرحلے کے میچز جاری ہیں جس کا چودھواں میچ آج کراچی کنگز اور لاہور قلندرژ کی ٹیموں کے درمیان کھیلا جائے گا۔کراچی اور لاہور کے درمیان میچ آج شام 7:30 بجے مقمی وقت کے مطابق کھیلا جائے گا جبکہ ایونٹ میں کراچی کنگز اور اسلام آباد یونائیٹڈ 4،4 میچز کھیل چکے ہیں۔

اسلام آباد یونائیٹڈ کا 4 پوائنٹس کے ساتھ ٹیبل پر تسرا نمبر ہے جبکہ کراچی کنگز ایونٹ میں اب تک کوئی میچ نہیں جیت سکی ہے۔کراچی کنگز صفر پوائنٹ کے ساتھ پوائنٹس ٹیبل پر آخری نمبر پر موجود ہے جبکہ کراچی کنگز ایونٹ میں اب تک تمام ہی فرنچائزز سے ہار چکی ہے۔

واضح رہے کہ پی ایس ایل 7 کا پہلا مرحلہ 7 فروری تک کراچی میں ہی کھیلا جائے گا جبکہ دوسرے مرحلے کا آغاز 10 فروری سے لاہور میں کھیلا جانا ہے۔

دوسرے مرحلے کے میچز 10 فروری تا 27 فروری فائنل تک لاہور میں ہی کھیلے جائیں گے جبکہ اس حوالے سے پنجاب گورنمنٹ نے سیکیورٹی سمیت تمام انتظامات مکمل کرلیے ہیں۔