قومی ٹیم کے سابق کپتان شاہد آفریدی نے دبئی میں اپنا ریسٹورینٹ کھولنے کا فیصلہ کیا ہے۔
شاہد آفریدی نے انسٹاگرام پر ایپرن پہنے ٹماٹر کاٹتے ویڈیو شیئر کی، جس کے کیپشن میں کہا گیا کہ جلد ایک بڑا اعلان کیا جائے گا، ذائقہ دار پکوان سے لطف اندوز ہونے کے لیے تیار ہوجائیں۔
شاہد آفریدی نے پوسٹ میں ہیش ٹیگ ’لالہ دربار‘ کا اضافہ کیا اور مختلف سوشل میڈیا پلیٹ فارمز کے ہینڈل بھی لکھے۔لالہ دربار کے انسٹاگرام اکاؤنٹ پر نظر دوڑائیں تو اس میں بتایا گیا ہے کہ یہ پاکستانی کرکٹر شاہد آفریدی کے دیسی ریسٹورنٹ کی ایک چین ہے، ’کوئی نہیں اس جیسا‘ جلد ہی لانچ ہو رہا ہے۔لالہ دربار کے انسٹا اکاؤنٹ پر اب تک صرف 4 پوسٹ شیئر کی گئی ہیں۔
