پاکستان تحریک انصاف کے رکن قومی اسمبلی ڈاکٹر عامر لیاقت کی سابق اہلیہ طوبیٰ انور کا معنی خیز بیان سامنے آیا ہے۔

ٹوئٹر پر جاری اپنے بیان میں طوبیٰ انور نے پاک دامن عورتوں پر تہمت لگانے والوں کے متعلق بات کی ہے۔ طوبیٰ نے قرآن پاک کی سورۃ نور کی 23 ویں آیت ترجمے کے ساتھ ٹوئٹ کی، جس کا ترجمہ ہے کہ:

جو لوگ پاک دامنوں بے خبر ایمان والیوں پر تہمت لگاتے ہیں ان پر دنیا اور آخرت میں لعنت ہے اوران کیلئے بڑا عذاب ہے ۔

واضح رہے کہ 9 فروری کو طوبی ٰ انور نے سوشل میڈیا پر اپنی خلع کی تصدیق کرتے ہوئے کہا تھا کہ یہ وقت میرے لئے بہت تکلیف دہ ہے۔ اپنے آج کے ٹوئٹ میں انہوں نے کسی کو مینشن یا ٹیگ تو نہیں کیا، لیکن اس کا واضح اشارہ ان کے اپنے ماضی قریب اور سابق شوہر عامر لیاقت کی طرف ہو سکتا ہے۔