بھارت کے مشہور اداکار ٹیکو تلسانیہ کی داڑھی اور ٹوپی میں ایک تصویر سوشل میڈیا پر وائرل ہونے کے بعد ان کے اسلام قبول کرنے افواہیں گردش کررہی ہیں۔
سوشل میڈیا پر ٹیکو تلسانیہ کی ایک تصویر گشت کررہی ہے جس میں وہ سر پر ٹوپی سجائے، لمبی داڑھی کے ساتھ دکھائی دیتے ہیں، جس کے بعد کہا جارہا تھا کہ ٹیکو تلسانیہ دائرہ اسلام میں داخل ہوچکے ہیں۔
اب بھارت کے یوٹیوب چینل پر ایک ویڈیو شیئر کی گئی ہے جس میں دعویٰ کیا گیا ہے کہ یہ ویڈیو کسی حقیقی ویڈیو کے بجائے ڈرامے کی شوٹنگ کے دوران بنائی جانے والی ویڈیو ہے۔
اس سلسلے میں بھارتی اداکار ٹیکو تلسانیہ کی طرف سے کوئی بیان سامنے نہیں آیا ہے کہ آیا واقعی انہوں نے اسلام قبول کرلیا ہے؟
کرتا پاجامہ پر جیکٹ پہنے، سر پر ٹوپی لگائے اور لمبی داڑھی کے ساتھ ٹیکو تلسانیہ کی جو تصویر سوشیل میڈیا پر گشت کررہی ہے، وہ دراصل ایک سیریل کی شوٹنگ کی ہے، وہ کسی ٹی وی سیریل میں ایک مسلم کردار ادا کررہے ہیں اور بس وہیں سے کسی نے ان کی مسلم حلیے والی تصویر لے کر سوشل میڈیا پر ڈال دی۔
