پاکستان سپر لیگ کے میچ میں مداح سابق بھارتی کپتان ویرات کوہلی کی تصویر ساتھ لے آیا،جس پرپاکستانی سابق فاسٹ بالر شعیب اختر نے اپنے ردعمل کا اظہار کیا ہے۔
سوشل میڈیا پر وائرل ہونے والی تصویر پر قومی ٹیم کے سابق اسپیڈ اسٹار شعیب اختر نے بھی اپنے ردعمل کا اظہار کیا ہے۔
تصویر پر انگریزی میں ایک تحریر بھی لکھی ہوئی تھی کہ میں پاکستان میں آپ کی سنچری دیکھنا چاہتا ہوں، ساتھ ہی تصویر پر امن کا ہیش ٹیگ بھی استعمال کیا گیا تھا۔
بھارت کا کوئی کھلاڑی پی ایس ایل میں شامل نہیں ہے لیکن اس کے باوجود پاکستانی شائقین پی ایس ایل میچ میں اپنے پسندیدہ کرکٹر ویرات کوہلی کی تصویر گراؤنڈ میں ساتھ لے آیا ۔
ایچ بی ایل پی ایس ایل کے میچز میں تماشائیوں کو 100 فیصد گنجائش کے ساتھ آنے کی اجازت ہے اور بڑی تعداد میں کرکٹ کے مداح پی ایس ایل میچز دیکھنے کے لیے قذافی اسٹیڈیم کا رخ کر رہے ہیں اور اپنی پسندیدہ ٹیموں اور کھلاڑیوں کو سپورٹ کر رہے ہیں
شعیب اختر نے صارف کی جانب سے کوہلی کی تصویر کو شیئر کرتے ہوئے ٹوئٹ میں لکھا کہ کوئی قذافی اسٹیڈیم میں محبت کو فروغ دیاجا رہا ہے۔
Someone spreading love at the #GaddafiStadium. #PSL7 #Pakistan #ViratKohli pic.twitter.com/Eq2yIEGpdi
— Shoaib Akhtar (@shoaib100mph) February 21, 2022
یاد رہے کے پاکستان سپر لیگ کا پہلا مرحلہ کا صرف آخری میچ باقی ہے،اس کے باد کھیلے جانے والے پلے آف مرحلے کے لیے چاروں ٹیموں کا فیصلہ ہو چکا ہے ۔اس ٓآخری میچ میں آج لاہور قلندرز اور پشاور زلمی کی ٹیموں کے درمیان کھیلا جائے گا اور اس سے پلے اف مرحلے پر زیادہ فرق نہیں پڑے گا ، دونوں ٹیمیں پلے آف مرحلے کے لیے پہلے ہی کوالیفائی کر چکی ہیں،البتہ پوائنٹس ٹیبل پر نمبر تبدیل ہو سکتا ہے ۔
