بھارتی ٹیم کے کپتان ویرات کوہلی کا کہنا ہے کہ ہم ہر میچ میں تیاری کے ساتھ جاتے ہیں، پاکستان بہت مضبوط ٹیم ہے، میں اسے ہمیشہ مضبوط مانتا ہوں،ہماری تیاری مکمل ہے۔

ویرات کوہلی نے پریس کانفرنس کرتے ہوئے کہا پاکستان کے پاس بہت ٹیلنٹ ہے، ایسے کھلاڑی ہیں جو میچ کا نقشہ تبدیل کر دیتے ہیں، ہمیں ایک پلان کے مطابق میدان میں اترنا پڑتا ہے، ہمیں اس دن اچھا کھیلنے کی کوشش کریں گے ۔انہوں نے کہا کہ ہم نے اپنے کمبی نیشن پر بات کی ہے، متوازن کمبی نیشن بنایا ہے سب اچھا کھیل رہے ہیں، کمبی نیشن کے بارے میں ابھی نہیں بتاؤں گا۔

بھارتی کپتان نے مزیدکہا کہ پریشر گیم کا ہوتا ہے لیکن ہم نے بس فوکس ہو کر کھیلنا ہے، میچ سے باہر  بہت کچھ ہو  رہا ہوتا ہے لیکن اس سے ہمارا مائنڈ سیٹ تبدیل نہیں ہوتا، گراؤنڈ میں بھی ماحول مختلف ہوتا ہے لیکن کھیلنے کے انداز میں فرق نہیں آتا۔