وزیراعظم پاکستان عمران خان نے قومی کرکٹ ٹیم کو بھارت کے خلاف ٹی ٹونٹی میچ میں تاریخی کامیابی پر مبارکباد دیتے ہوئے کہا ہے کہ ٹیم کے کپتان بابر اعظم کو مبارکباد جنہوں نے فرنٹ سے لیڈ کیا، اس کے ساتھ ہی انہوں نے بہترین کارکردگی پر شاہین شاہ آفریدی اور محمد رضوان کو بھی مبارکباد پیش کی۔
وزیراعظم عمران خان کا پوری ٹیم کو کہنا تھا کہ قوم کو آپ پر فخر ہے۔
Congratulations to the Pakistan Team & esp to Babar Azam who led from the front, as well as to the brilliant performances of Rizwan & Shaheen Afridi. The nation is proud of you all. pic.twitter.com/ygoOVTu37l
— Imran Khan (@ImranKhanPTI) October 24, 2021
یاد رہے کہ آج پاکستانی کرکٹ ٹیم نے ٹی ٹونٹی میچ میں بھارت کوورلڈ کپ کی تاریخ میں پہلی اور تاریخی شکست سے دوچار کیا ہے، بھارت کے خلاف میچ میں پاکستانی بلے بازوں نے بغیر کسی نقصان کے بھارت کا 152 رنز کا ٹارگٹ 17ویں اوور میں ہی پورا کر لیا۔
