سوشل میڈیا پر نئی ویڈیو شیئر کی گئی ہے جس میں وہ شادی کے سوال کا مبہم انداز سے جواب دے رہے ہیں۔
Hui ya na hui…jaanne ke liye parson dekho!!! #ad pic.twitter.com/25WBuooFyY
— Salman Khan (@BeingSalmanKhan) March 5, 2022
سلمان خان نے آخر کار اپنی شادی کا اعتراف کرلیا۔فوٹو اینڈ ویڈیو شیئرنگ ایپ انسٹاگرام پر سلمان خان نے ایک ویڈیو کلپ شیئر کیا جس میں وہ خود سے اپنی شادی کے حوالے سے سوال پوچھ رہے ہیں۔ویڈیو میں سلمان خان کی فلم ’ہم آپ کے ہیں کون‘ کا منظر دِکھایا گیا ہے جس میں اداکار نے پریم نامی کردار ادا کیا تھا۔
ویڈیو میں دیکھا جاسکتا ہے کہ پریم سلمان خان سے سوال کرتا ہے کہ اور شادی؟ جس پر سلو میاں کہتے ہیں کہ ہوگئی۔یہ سُن کر پریم چونک جاتا ہے اور ایک بار پھر سے پوچھتا ہے ہوگئی؟ جس پر سلمان خان خاموش نظر آتے ہیں۔واضح رہے کہ سلمان خان کی جانب سے شیئر کی گئی ویڈیو کی مکمل تفصیلات سامنے نہیں آئی ہیں جبکہ کہا جارہا ہے کہ یہ کوئی اشتہاری ویڈیو ہے۔
دوسری جانب گزشتہ چند روز قبل بالی ووڈ کے دبنگ اداکار سلمان خان اور دبنگ اداکارہ سوناکشی سنہا کی خفیہ شادی کی خبریں منظرعام پر آئی تھیں۔ دونوں کی ایک تصویر وائرل ہوئی تھی جس میں سلمان خان دولہا اورسوناکشی سنہا دلہن بنی ہوئی تھیں۔سوناکشی سنہا نے ان خبروں پر ردعمل دیا ہے۔ سوشل میڈیا کے جس اکاؤنٹ پر یہ ایڈٹ شدہ تصویر شیئر کی گئی تھی سوناکشی سنہا نے اس پر تبصرہ کرتے ہوئے برہمی کا اظہار کرتے ہوئے کہا آپ لوگ بیوقوف ہیں جو اصل اور جعلی تصویر میں فرق نہیں کرسکتے۔
