انٹرنیشنل کرکٹ کونسل (آئی سی سی) ویمنز کرکٹ ورلڈ کپ میں بھارت نے پاکستان کو 107 رنز سے شکست دیدی۔

تفصیلات کے مطابق پاکستان ویمنز کرکٹ ٹیم نے ورلڈکپ میں مایوس کن آغاز کیا ہے جہاں اسے روایتی حریف بھارت نے 107 رنز سے شکست سے دوچار کردیا۔

قومی ویمنز ٹیم 245 رنز ہدف کے تعاقب میں 137 رنز پر ڈھیر ہوگئی، کوئی بھی پاکستانی بیٹرز لمبی اننگز کھیلنے میں ناکام رہی، سدرہ امین 30 رنز بنا کر نمایاں رہےدانیہ بیگ 24 رنز بناسکی۔

جویریہ خان 11، بسمہ معروف 15، عمیمہ سہیل 5، ندا ڈار 4، عالیہ ریاض 11، فاطمہ ثنا 17، ،سدرہ نواز12 اور نشرہ سندھو صفر پر آؤٹ ہوئی۔

بھارت کی جانب سے راجیشواری گیاکواد نے شاندار بولنگ کا مظاہرہ کرتے ہوئے 4 کھلاڑیوں کو آؤٹ کیا، گوسوامی اور سہ رانا نے 2 ، دو کھلاڑیوں کو آؤٹ کیا۔