واٹس ایپ اپنے صارفین کے لیے گروپ چیٹ میں ایک انوکھا فیچر متعارف کرانے جا رہا ہے۔
کیمرا یوزر انٹرفیس میں تبدیلی اور وائس کالز کے لیے نیا انٹر فیس متعارف کرنے کے بعد واٹس ایپ اب اپنے صارفین کے لیے واٹس ایپ گروپ میں پولز بنانے کے فیچر پر کام کر رہا ہے۔
اس اسکرین شاٹ میں آپ دیکھ سکتے ہیں واٹس ایپ سوال درج کرنے کے متعلق کہہ رہا ہے جس کو واٹس ایپ گروپ میں بھیجا جائے گا۔چوں کہ فیچر فی الحال تکمیلی مراحل میں ہے اس لیے اس کے متعلق مزید معلومات نہیں دی جس سکتیں، لیکن اسکرین شاٹ اس بات کی تصدیق کرتا ہے کہ واٹس ایپ اپنی ایپلی کیشن میں پولز کو متعارف کرانے کا ارادہ رکھتی ہے۔
اس فیچر کے بعد آپ گروپ میں ایک سوال پوچھ سکیں گے اور گروپ ممبران اس سوال کا جواب ووٹ کی صورت میں دے سکیں گے۔
واضح رہے ان پولز کو صرف گروپ کے لوگ استعمال کر سکیں گے اور یہ اینڈ ٹو اینڈ اِنکرِپٹڈ ہوں گے، یہاں تک کہ آپ ک جواب بھی۔ لہٰذا گروپ کے لوگ ہی پولز اور اس کے نتائج دیکھ سکیں گے۔
فی الحال یہ فیچر بیٹا ورژن پر آزمائشی مراحل میں اور عام صارفین کے لیے اس کا جاری کیا جانا جلد متوقع ہے۔
