چیف ایگزیکٹو نیوزی لینڈ کرکٹ ڈیوڈ وائٹ کا کہنا ہے کہ حکومت نے سیکیورٹی الرٹ کے باعث سیریز ختم کرنے کا فیصلہ کیا ہے، ہمارے کھلاڑی محفوظ ہیں اور ان کی واپسی کے انتظامات کئے جا رہے ہیں، کھلاڑیوں کی حفاظت ہماری اولین ترجیح ہے۔ ہمیں اندازہ ہے کہ پی سی بی کیلئے یہ بہت بڑا دھچکہ ہے لیکن موجودہ حالات میں ہمارے لئے یہی آپشن تھا۔
The BLACKCAPS are abandoning their tour of Pakistan following a New Zealand government security alert.
Arrangements are now being made for the team’s departure.
More information | https://t.co/Lkgg6mAsfu
— BLACKCAPS (@BLACKCAPS) September 17, 2021
پی سی بی نے جاری کردہ اعلامیے میں کہا کہ آج نیوزی لینڈ کرکٹ بورڈ کی طرف سے انہیں سیکورٹی الرٹ کے حوالے سے آگاہ کرتے ہوئے یکطرفہ طور پر سیریز ملتوی کرنے کا فیصلہ کیا ہے۔
پاکستان کرکٹ بورڈ اور حکومت پاکستان نے مہمان ٹیم کی سیکورٹی کے لیے فول پروف انتظامات کررکھے تھے. ہم نے نیوزی کرکٹ بورڈ کو بھی یہی یقین دہانی کرائی تھی. وزیر اعظم نے ذاتی طور پر نیوزی لینڈ کی وزیراعظم کو رابطہ کرکے انہیں بتایا کہ ہماری سیکورٹی انٹیلیجنس دنیا کی ایک بہترین ایجنسی ہے اور مہمان ٹیم کو کوئی سیکورٹی تھریٹ نہیں۔
وفاقی وزیر اطلاعات فواد چوہدری کا کہنا تھا کہ وزیر اعظم عمران خان نے نیوزی لینڈ کی وزیر اعظم سے رابطہ کیا اور یقین دلایا کہ پاکستان میں نیوزی لینڈ کی ٹیم کو فول پروف سیکیورٹی فراہم کی گئی ہے اور پی سی بی کے مطابق خود نیوزی لینڈ کی سیکیورٹی نے پاکستان کے سیکیورٹی انتظامات پر اطمینان کا اظہار کیا، ہماری انٹیلی جنس ایجنسیز دنیا کے بہترین انٹیلی جنس ایجنسیز میں شامل ہیں اور ان کی رائے میں نیوزی لینڈ کی ٹیم کو کسی قسم کے خطرہ نہیں ہے، تاہم نیوزی لینڈ کی وزیر اعظم نے ازحد احتیاط کی پالیسی کے پیش نظر دورہ ملتوی کرنے کی استدعا کی۔
ہماری انٹیلی جنس ایجنسیز دنیا کے بہترین انٹیلی جنس سسٹمز میں شامل ہیں اور ان کی رائے میں نیوزی لینڈ کی ٹیم کو کسی قسم کے خطرہ نہیں ہے، تاہم نیوزی لینڈ کی وزیر اعظم نے ازحد احتیاط کی پالیسی کے پیش نظر دورہ ملتوی کرنے کی استدعا کی
— Ch Fawad Hussain (@fawadchaudhry) September 17, 2021
سینیٹر فیصل جاوید کا کہنا تھا پاکستان میں سیکیورٹی کی صورتحال بہترین اور اطمینان بخش ہے اور نیوزی لینڈ کرکٹ ٹیم کو بھی فول پروف سیکیورٹی فراہم کی گئی تھی جس پر نیوزی لینڈ حکام کی جانب سے بھی اطمینان کا اظہار کیا گیا تھا، لیکن آخری منٹ میں سیریز ختم کرنا سمجھ سے بالا تر ہے۔
Security situation in Pakistan is such satisfactory that the full scale International Cricket had come back to Pakistan. We (in recent years) hosted South Africa, W.Indies, Zimbabwe, Sri Lanka, Marylebone Cricket Club, PSL, KPL.
— Faisal Javed Khan (@FaisalJavedKhan) September 17, 2021
یاد رہے کہ نیوزی لینڈ کرکٹ ٹیم 18 سال بعد پاکستان کے دورے پر آئی تھی، نیوزی لینڈ کے خلاف ون ڈے سیریز کے میچز راولپنڈی اسٹیڈیم میں 17، 19 اور 21 ستمبر کو شیڈول تھے، جبکہ اس کے علاوہ لاہور کے قذافی اسٹیڈیم میں پاکستان کے خلاف نیوزی لینڈ نے 25 ستمبر سے 3 اکتوبر تک شیڈول پانچ ٹی 20 میچز بھی کھیلنے تھے۔
