عالمی جریدے کی رپورٹ کے مطابق لاطینی امریکی ملک ارجنٹینا کی حکومت نے پاکستان سے 12 جے ایف 17 تھنڈر طیارے خریدنے کا فیصلہ کر لیا ہے اور حکومتی دستاویزات کے مطابق اس مقصد کیلئے 66 کروڑ 40 لاکھ ڈالر یعنی 111 ارب 55 کروڑ روپے سے زائد کی رقم سال 2022ء کے بجٹ میں مختص کرنے کی تجویز دی گئی ہے۔
ارجنٹینا کی فضائیہ نے امریکہ، روس اور بھارت کی طیارے فروخت کرنے کے متعلق آفرز کو مسترد کرتے ہوئے پاکستانی طیارے خریدنے کا فیصلہ کیا ہے۔
The Argentine Air Force has thus chosen Pakistan’s JF-17 Thunder, discarding offers from Russia, USA and India.
The 12 JF-17s will include 10 single seater Block IIIs and 2 dual seat Block IIIs.
The PAC JF-17A Block III is a supersonic, multirole 4+ generation fighter aircraft pic.twitter.com/94P2rLD3tN— AEROSINT Division PSF (@PSFAERO) September 17, 2021
پاکستان سے خریدے جانے والے لڑاکا طیاروں میں 10 طیارے ایک نشست کے اور دو طیارے دہری نشست والے ہوں گے۔
عالمی جریدے کی رپورٹ میں کہا گیا ہے کہ پاکستان اور ارجنٹینا کے مابین دوستانہ تعلقات ہیں اور عالمی تنازعات میں دونوں ممالک کے موقف میں ہم آہنگی پائی جاتی ہے۔ پاکستان نے اقوام متحدہ میں حق خود ارادیت کی جو قراردادیں جمع کرائیں یا اس معاملے میں پاکستانی سربراہان نے جو تقاریر کیں ارجنٹینا کی حکومت نے اس کی حمایت کی جبکہ جزائر فاک لینڈ کے مسئلے پرپاکستان کا موقف ارجنٹائن کے مؤقف کے قریب ترین ہے۔ ارجنٹائن حکومت نے جو طیارے خریدنے کا فیصلہ کیا ہے ابھی اس کا تحریری معاہدہ ہونا باقی ہے، معاہدہ ہونے کی صورت میں دونوں ممالک کے دوستانہ تعلقات میں مزید بہتری آئے گی۔
خیال رہے کہ جے ایف 17 تھنڈر ایک جدید ترین، وزن میں ہلکا، تمام موسموں میں دن رات آپریشنل صلاحیتوں کا حامل لڑاکا طیارہ ہے جو پاکستان ایروناٹیکل کمپلیکس (پی اے سی) کامرہ اور چین کی چینگدو ایئر کرافٹ انڈسٹری کارپوریشن کے مشترکہ منصوبے کے طور پر تیار کیا گیا ہے۔
