پاکستان کے عاصم خان نے ڈی ایچ اے انٹر نیشنل سکواش چیمپین شپ جیت لی۔

تفصیلات کے مطابق پاکستان کے عاصم خان نے ڈی ایچ اے انٹر نیشنل سکواش چیمپین شپ جیت لی،فاینل میں ہم وطن نور زمان کو پانچ گیمز کے دلچسپ مقابلے کے بعد ہرایا۔ ایونٹ میں 10 غیرملکی کھلاڑیوں نے بھی شرکت کی۔ فائنل میچ کے مہمان خصوصی اسکواش کے سابق عالمی چیمپئن جہانگیر خان تھے۔ اس موقع پر جہانگیرخان کا کہنا تھا کہ پاکستان میں انٹرنیشنل مقابلوں کا انعقاد خوش آئند ہے۔ مہمان خصوصی جہانگیرخان نے جیتنے والے پلیئرز میں انعامات تقسیم کئے۔

پانچ روزہ چیمپئن شپ، جس میں $12,000 کا انعامی پرس تھا، میں مقامی کھلاڑیوں کے ساتھ مصر، فرانس، ایران، ملائیشیا اور قطر جیسے ممالک کے بین الاقوامی کھلاڑی بھی شامل تھے۔

عاصم نے 43 منٹ تک جاری رہنے والے فائنل میں نور کو 10-12، 11-5، 11-7، 7-11، 11-6 سے شکست دی۔