این سی او سی کی جانب سے شیئر کئے گئے اعدادوشمار کے مطابق گذشتہ 24 گھنٹوں میں مزید 2167 افراد کورونا وائرس کا شکار اور 24 افراد جاں بحق ہو گئے۔ کورونا کے 51438 ٹیسٹ کئے گئے جس میں مثبت کیسز کی شرح 4.22 فیصد رہی۔
Statistics 20 Sep 21:
Total Tests in Last 24 Hours: 51,348
Positive Cases: 2167
Positivity % : 4.22%
Deaths : 40
Patients on Critical Care: 4840— NCOC (@OfficialNcoc) September 20, 2021
حکومتی اعدادوشمار کے مطابق اب تک 12 لاکھ 26 ہزار سے زائد افراد کورونا کا شکار ہو چکے ہیں جس میں سے 27246 افراد جاں بحق جبکہ 11 لاکھ 35 ہزار سے زائد صحتیاب ہوگئے۔ 4840 افراد کی حالت تشویش ناک ہے۔
حکومت کےکورونا ویکسین کے اعدادوشمار کے مطابق 2 کروڑ 43 لاکھ 76 ہزار سے زائد افراد مکمل ویکسینیٹڈ ہو چکے ہیں جبکہ 5 کروڑ 49 لاکھ سے زائد افراد کو صرف دوسری ڈوز لگنا باقی ہے۔
کچھ روز قبل وزیراعظم کے معاون خصوصی برائے صحت ڈاکٹر فیصل سلطان نے کورونا ویکسین کی ایک ڈوز لگوانے والے افراد سے اپیل کی تھی کہ کورونا کے اعدادوشمار پر ہمارے تجزئیے کے مطابق ویکسین کی ایک ڈوز لگوانے والے افراد کے کورونا کا شکار ہونے کے خطرات دونوں ڈوز لگوانے والے افراد کی نسبت 3 گنا زیادہ ہو تے ہیں، اسلئے ایک ڈوز لگوانے والے افراد اپنی دوسری ڈوز لگوانا نہ بھولیں۔
Two-dose COVID vaccines provide maximum protection after the 2nd dose, so please don’t forget to return for your 2nd dose. Our data suggests that the risk of contracting COVID-19 for PARTIALLY vaccinated persons is 3X higher compared to FULLY vaccinated individuals.
— Faisal Sultan (@fslsltn) August 15, 2021
